Dem boys seh… Somebody creating a market

Sep 30, 2010 Dem Boys Seh, Features / Columnists, News 0

Last night was problems fuh GWI. This is de company that does supply water fuh everybody. In de city, is GWI that used to provide de water fuh fight every fire.
Last night was a most interesting story. A fire break out at a place wheh dem have enough water to float a big boat but de fire tenders had to use water from a trench.
Dem boys see de thing and dem couldn’t understand. De thing was that somebody had to tun on de water and nobody coulda find de valve.
Who start de fire? Irfaan tell de reporters that somebody hear an explosion. Then Chandi claim that nutten in de bond coulda explode. De suggestion is that somebody throw something. But nobody couldn’t throw nutten to start a fire.
Dem boys now want to know if is not a plan to create a market fuh some body sell things to GPL. Dem have a new company that producing things that GWI does use but these things wasn’t selling because people was buying from elsewhere.
Anyhow wid lawsuits flying dem boys don’t want to talk too much.
Talk half. Lef half.