When people get married everybody does like fuh give advice. Dem boys seh that all of a sudden dem have a lot of advisers who know everything ‘bout marriage.
Even de parents of de bride and groom does know what to do and yet when people check, one live one side and de other live somewhere else. Dem can’t tek dem own advice.
Nokta son get married. Was a big shot wedding. Is not de kind wheh any lagoo bagoo can go.
Money got to deh in yuh pocket and yuh got to have nuff in de bank. Dem boys seh that Bharrat qualify because he always got money in he pocket and money in de bank.
He self tell de court how he got more than five million in case he got to pay any money to de Waterfalls paper.
Well dem boys still smiling and some laughing. He give Nokta son advice ‘bout marriage. And de man talk like a real expert.
He start off how he was married and how he mek it a success.
He talk about treating de wife and ensuring that at all times that she had protection.
Nokta son nod he head but dem boys seh that if he tek Bharrat advice he marriage ain’t gun last one week. In fact, dem boys seh that as soon as Bharrat done talk de boy wife run to de pandit and ask he fuh check if de certificate valid.
Then she ask ‘bout share in de assets and when she must refuse to sleep pun de couch.
She also ask about market money and money fuh clothes and which lawyer she can tek if she husband try wha Bharrat try and get away wid.
Talk half. Lef half.
Nov 20, 2019Hodge’ maiden ton goes in vain as Volcanoes lose by 22 run By Sean Devers in Trinidad In a game delayed by 45 minutes due to some showers a handful of fans watched Guyana Jaguars beat Windwards...
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]