Latest update April 24th, 2024 12:59 AM
Jun 01, 2010 Dem Boys Seh, Features / Columnists
Low carbon is de thing and it good fuh Guyanese. Dem boys seh that Guyanese had too much carbon and dem was giving off too much carbon dioxide. Dem, more than some other people, help pollute de atmosphere.
Scientists prove that Guyanese talk too much and every time dem talk is carbon dioxide. Dem boys decide to check to find out who talking de most. Dem mek a list and heading de list is Randy Persaud. He talking bout everything about Bharrat. He talk how too much people cussing Bharrat and while Bharrat fighting to control carbon he ain’t looking at Randy.
Dem boys seh that Bharrat gun have to do some good things and stop dem people from talking.
De next person is Leslie, de Minister. He talk bout AIDS, he talk bout malaria, he talk bout big foot and he talk bout blood. He talk so much and give off so much carbon dioxide that fuh nearly one year no rain coulda fall in Guyana. De temperature go up and cause a severe climate change.
Then dem had Robert. He talk bout agriculture and expenditure and flood that at one time people couldn’t breathe fuh de amount of carbon dioxide in the atmosphere. Then de temperature change so much that although Robert spend hundreds of millions of dollars de place still flood.
C.N. Sharma was another one till he get charge. Since he get charge nuff rain falling in Robb Street because de atmosphere change. He stop talk and de area enjoy carbon reduction.
Raphael and Khemraj create problems too. Dem boys seh that dem talk bout all de things that Bharrat do and produce nuff carbon dioxide that de trees flourishing near de AFC headquarters.
De people from Norway rethinking dem money. Dem seh that if Bharrat don’t do something bout all dem people who talking and creating carbon dioxide dem gun withhold de money dem promise.
Talk half. Lef half.
LISTEN HOW JAGDEO WILL MAKE ALL GUYANESE RICH!!!
Apr 24, 2024
Round 2 GFF Women’s League Division One Kaieteur Sports – The Guyana Police Force FC on Saturday last demolished Pakuri Jaguars FC with a 17 – 0 goal blitz at the Guyana Football...Kaieteur News – Just recently, the PPC determined that it does not have the authority to vitiate a contract which was... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]