Latest update April 18th, 2024 12:59 AM
May 05, 2010 Dem Boys Seh, Features / Columnists, News
One man seh that if you don’t stand up fuh nutten you gun fall fun anything. Some people in Guyana don’t even stand up fuh dem own rights suh dem does fall fuh nuff things.
Dem boys remember how people use to tell some businessman how dem can mek money grow. Dem use to show he how dem can mek $1,000 become $10,000. Dem fools use to give de money and de men use to tell dem that de thing didn’t wuk and all de money gone.
Well some people in India hear how Guyanese stupid suh some of dem come as pandit and as astrologer. Dem join wid de one from Better Hope who collect money because he convince people that he can tell dem where to find anything that dem lose.
Dem boys laugh when he cow lost and he ask neighbours to help he find it.
A woman lef she husband and another pandit tell de man that fuh $35,000 he gun hold a puja and de woman gun come back. De man tell de pandit to hold de puja and if he wife come back he gun give de pandit $100,000. De pandit get vex.
Now de police hunting dem, especially de one who come from India. He didn’t see that coming but he could see fuh everybody else. He hiding.
Dem boys seh that all dem pandit gun have to cure dem prisoners or dem prisoners gun read and then ride dem. And that can be serious business.
When dem pandits reach in front de magistrate dey should know wha coming down because dem claim that dem can see into de future. Sad that dem didn’t see de trouble dat was facing dem.
Talk half. Lef half.
JAGDEO ADDING MORE DANGER TO GUYANA AND THE REGION
Apr 18, 2024
SportsMax – West Indies captain Hayley Matthews has been named Wisden’s leading Twenty20 Cricketer for 2023, as she topped all and sundry, including her male counterparts. Alan Gardner looks...Kaieteur News – Compliments of the Ministry of Education, our secondary school children are being treated to a stage... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]