Latest update April 19th, 2024 12:59 AM
Apr 12, 2010 Dem Boys Seh, Features / Columnists, News
Imagine when de PNC used to protest de government people use to claim how dem is terrorist and how dem disrupting de national economy.
One day de PNC go right in front Office of de President and protest. De police come and arrest Robert because dem claim how he threatening de President.
De PNC change dem tactic and start fuh walk pun de street. As soon as people hear dem coming dem shut up dem shop because dem frighten looters. De government start fuh send police fuh march wid de protesters.
In de end some people start fuh talk to de PNC and dem come off de street. Some people was happy but nuff was vex because dem claim how de government gun do all kind of thing knowing that de protest call off.
Well dem boys get a shock de other day. A government Minister decide to tek sides wid one Amerindian group against another. Dem boys seh that she mek she Ministry bus available, and when de people wasn’t sure wha dem protesting about she join de protest sheself.
One man in de line claim how he ain’t sure why he come but dem tell he fuh come and protest. He then seh how de sun hot and he ain’t getting no water fuh drink and he start he own protest against de protest.
That bruck up everything because de Minister after she talk to dem TV camera and mek sure that she photo get tek out she call de bus and go back to she office.
Dem boys hear that dem got some problem now. De protesters got to get pay and nobody ain’t vote money fuh dem. Dem intend to protest against de Minister.
Talk half. Lef half
Where is the BETTER MANAGEMENT/RENEGOTIATION OF THE OIL CONTRACTS you promised Jagdeo?
Apr 19, 2024
SportsMax – West Indies Women’s captain Hayley Matthews delivered a stellar all-round performance to lead her team to a commanding 113-run victory over Pakistan Women in the first One Day...Kaieteur News – For years, the disciples of Bharrat Jagdeo have woven a narrative of economic success during his tenure... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]