People forget that times does change; that after one time is another. Imagine some people go and rob a place at Mon Repos. Dem decide to get away but de man de rob decide to drive behind dem.
Well dem boys want know why he ain’t call de police while he chasing. Anyhow, soon after de man decide to play a star in de Alistair McLean movie, “Fear is the Key’.
He chase de bandits who decide that dem had to do something to get away. Dem drive in Buxton.
Dem cut good card at de start because de man who was chasing dem more scared of Buxton than de people who rob he. Is a security guard who spot de action that call out dem Buxton people.
And dem boys seh that de people come out like ants. Dem was suh nuff that de bandits lef de car and start fuh run. Now who can know Buxton more than de Buxtonians?
Dem boys seh that was blows like rain because de village fed up wid bad name.
De bandits now regret because not only dem in custody and dem ain’t get no money but dem in severe pain and dem can’t go to hospital.
Buxton change and no thief can run in deh like long time. Dem boys seh that de people suffer enough and dem ain’t intend to go through that again.
But is not only dem bandits in trouble. A man who by no stretch of imagination is a sweet man, deh in trouble. A woman drink kero fuh he. That is love.
Dem boys want know how he gun kiss she. Is a good thing he don’t smoke or was fire.
Wha de man name? By No joke dem boys gun call he name.
Talk half. Lef half.
Oct 16, 2018By Sean Devers in Trinidad In association with Regal, Vnet, Noble House Seafoods & Cascadia Hotel In murky conditions and played before virtually empty stands, Guyana Jaguars, led by a 79-run...
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]