People getting desperate. Imagine that dem have all de traps and all de security and people still trying dem luck fuh smuggle cocaine. Two of dem lef England and come to Guyana, collect cocaine, put it in dem wig and fly back.
Dem get ketch but if one didn’t talk de other woulda get away.
Dem boys seh that this cocaine thing got to mean money because everybody trying a hustle, some more than once.
Imagine a man lef Wakenaam wid five kilo and end up in St Maarten. Dem boys want to know how come he pass the Cheddi Jagan Airport wid cocaine in a false suitcase when people wid cocaine in dem wig getting ketch.
Some people try fuh hide cocaine in books, in picture frames, in dem stomach and even in dem waist. And most of dem does get ketch. If dem ain’t get ketch in Guyana dem getting ketch when dem land.
Dem boys believe in de saying that who got luck eat pork. If dem get ketch in Guyana is a small sentence but if dem get ketch outside is a long jail term and sometimes that is wha does happen.
Dem have a set of people who gun remain in jail in Barbados till Bharrat tun old and grey. Dem had cocaine and dem sorry that dem didn’t get ketch in Guyana.
Dem boys seh that things got to be bright fuh people tek dem chance and some of dem intend to mek a trip. Dem see people starch dem clothes wid cocaine; dem wouldn’t try that.
Dem see people try fuh put cocaine in fish, in bat, in molasses and even in toothpaste. Dem wouldn’t try that too. Dem got new thing dem gun try. Dem gun put de cocaine in Bharrat luggage. People don’t search he.
Talk half. Lef half.
Sep 23, 2018By Sean Devers Three-time Champions GCC beat Police by 15 runs in yesterday’s the NBS 40-overs second division semi-final at Bourda to advance to the final against the winner of two-time champions...
During the CPL semi-final, my wife and I were switching channels after each over to escape the onerous banality of seeing... more
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]