Is Mash and all dem people in parliament decide that dem wasn’t going to miss it fuh nutten. Dem boys seh that dem talk fast, fast, and only Dr Ashni decide that he got to talk lang.
He spend three hours fuh present de budget. Monday night he spend two hours to wrap up. He alone talk fuh five hours pun de budget. De only thing is that by de time he talk fuh nearly half hour people start fuh walk out.
One hour after he start talking de whole opposition walk out. Another half hour and he colleagues start fuh go outside and rest in de corridor. Ralph start fuh sleep and Sam start fuh mek paper plane.
Dem boys know that by tomorrow nuff people gun vex because these days dem getting vex every time dem boys talk. De other day dem call de police fuh check a man because dem couldn’t hear he telephone conversation.
And was Donald who tell de nation that de new cable gun help de government listen to telephone conversation.
He seh that this new cable gun break de monopoly. Is true. It gun break de monopoly on conversation. No conversation gun be private.
Dem boys also talking how strange things gun happen. Imagine some material coming fuh a certain newspaper and de boat sink. De Waterfalls paper also had things pun de boat. Perhaps de two consignments couldn’t agree.
Talk half. Lef half.
Mar 20, 2018Timehri Panthers has further consolidated their hold on the East Bank Football Association leg of the GFF/Pele Alumini Frank Watson U15 Intra Association League when they hammered Samatta...
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]