Passion is a thing that does tek lang to cool down and dem boys find out de hard way. Christmas and New Year, de people at de Waterfalls paper decide to mek joke wid some big ones in de country.
Dem had de whole country laughing and mocking dem Ministers and dem big ones. Well de New Year start and all of a sudden not one of dem big ones giving interviews and de reporters got nuff questions.
That ain’t de whole story. Dem boys seh that some of dem who did plan press conference change de date fuh leh dem passion cool.
But is not only dem vex. People vex too and dem vex wid Clico. Is a whole year and dem ain’t hearing nutten bout dem money. Bharrat seh that some people trying to block de payment of de money because dem want de company fuh continue robbing de Guyanese people.
These same people did smell de rat and dem pull out dem money. Is dem people who ain’t get a chance fuh get dem money who vex and dem can’t find anybody in Clico.
Dem people who use to sell pun de pavement in de city vex too. Hammy chasing all of dem. Last night was a big to-do. Now dem vendors claim how dem gun thief.
Well dem boys seh that Henry Greene, once he open he eyes and ketch dem, gun have a field day.
Talk half Lef half.
Jan 19, 2020Mavindra Dindyal struck a fine half century to put Georgetown Cricket Club (GCC) in a comfortable position at the close of play on the opening day of the Georgetown Cricket Association/ Noble House...
There are times you can forgive rulers for their obdurate refusal in not wanting to learn from history because of the nature... more
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]