Latest update April 19th, 2024 12:59 AM
Jan 03, 2010 Dem Boys Seh, Features / Columnists, News
Is a new year but some people doing de same stupidness. Dem boys seh that is a surprise that some of dem still deh round. Dem claim that it got to be that de man above does protect children, fools and drunks.
Imagine de year just break and a man drunk as a fish driving a minibus. Don’t ask, he crash. But then again, de one who was sober was also a man who does drive anyhow. He overtaking a vehicle suh although de drunk one deh in de right lane is he get charge.
But dem boys seh dem got other things to think about. Dem got to think about how dem gun mek money this year. De government talking how money is no problem because Khurshid pull in an extra eight billion dollars.
Now when de government get extra money it does share it wid de workers and dem poor people. Now-a-days de government de government does spend money pun everything except de workers and that is why dem boys trying to come up wid ways to mek money.
Dem boys also seh that dem got to be careful wid how dem getting sick. People who get even de slightest sick does dead when dem go to Georgetown Public Hospital because is sheer experiment.
That hospital is de only place wheh trainees does get a chance to pretend to be de real thing and actually cut people. De hospital is de only place wheh a man can go wid a tooth ache and end up getting some trainee to cut off he foot. Suh dem boys got a problem.
Then de government promise to tax liquor and cigarettes more because dem want people to stop drinking. Dem boys got a problem because dem claim how de cigarette does ease stress and de liquor does mek dem forget dem worries. Dem now believe that de government want dem to run mad, de more mad people de less people de state got to pay attention to.
De next few days ain’t gun be easy and dem boys worried.
Talk half. Lef half.
Where is the BETTER MANAGEMENT/RENEGOTIATION OF THE OIL CONTRACTS you promised Jagdeo?
Apr 19, 2024
SportsMax – West Indies Women’s captain Hayley Matthews delivered a stellar all-round performance to lead her team to a commanding 113-run victory over Pakistan Women in the first One Day...Kaieteur News – For years, the disciples of Bharrat Jagdeo have woven a narrative of economic success during his tenure... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]