Everybody talking bout corruption.
Dem boys seh that it look like if all people doing is accusing. De country start fuh do well and dem people start fuh talk bout drug money and how Roger Khan paying salaries fuh dem Ministries that bruck.
Roger Khan get jail and de government still getting money suh people start fuh seh how is taxes. But is dem big ones who wukking wid de government that still got some questions to answer.
Dem boys look at Customs and see some ordinary people wid some fancy car and big house. Dem also see some Ministers who end up with some mansion and right away dem boys decide that is corruption.
But some people refuse to believe that till dem read bout de contractor who wuk pun de Berbice Bridge. This contractor wuk in six countries and corrupt people in all of dem. De same contractor wuk in Guyana and now dem boys want to know how many de contractor corrupt.
Of course before de contractor there was Kerik who deh in jail because he and all corrupt. He was coming to wuk in Guyana then de story come out that de people in de United States want charge he.
Dem had others too. Sanford come and tek money from Guyana. He ain’t give suh is corruption going de other way although dem boys believe that he pay some people before he coulda access place like Hand in Hand.
And all of a sudden dem boys realise that people in de government does use computers. But only to Google. Google is an important tool fuh some Government people.
Dem boys seh that it got to be because is only suh de country find so much corrupt people.
Dem does type ‘corrupt people’ and start de search engine. De more corrupt, de faster dem getting de wuk.
Talk half. Lef half.
Mar 22, 2019After four days of pulsating action in the Commissioner of Police Birth Anniversary Inter-Division and Branches T20 cricket tournament, the afternoon game between defending Champions President Guards...
Should the Court of Appeal today turn down the decision of the Chief Justice (CJ) that the no-confidence vote (NCV) on December... more
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]