Bencock end up in jail again because he decide fuh play he own radio. Everybody fed up wid de government radio because it got announcers who can’t talk properly. Dem boys seh dat dem always mekking new words and dem English like a third language to an Eskimo.
Children now believe dat dem have to talk like Jamaicans because dat is how de local announcers does talk and old people don’t even listen to radio. Some of dem claim dat dem glad dat people mekking CD now a days.
Well Bencock decide dat he ain’t got time to tek no more punishment suh he set up he own radio station. Poor fella. He start fuh listen, then dem boys ask he fuh help dem out suh he start fuh broadcast.
Bencock does talk good English but is only he does listen to he own radio. All dem people still listen to de government station.
Next thing, Valmonkey tek a crow bar and rip open he door. At de same time de police lock he up.
De situation now get dat de government cleaning out a special cell at all dem police station. Dem boys seh dat dem expect to lock up Bencock every weekend and dem would have to move he around.
But dem boys seh dat dem have another side to de whole episode. Strange things does happen to men in dem lock-ups and de fact dat Bencock want to go back so steady tell a laang story. He got to like wha happening in dem lock ups.
Freddie talk how a man kiss he. And of lately he join Bencock. Do they have anything in common? Dat is wha dem boys want fuh know.
Talk half. Lef half.
Oct 23, 2018Two helmet-tricks, three hat-tricks and an equal amount of doubles were recorded on an eventful opening day of the Third edition of the East Bank Football Association / Ralph Green Under-11 League...
Editor’s Note, If your sent letter was not published and you felt its contents were valid and devoid of libel or personal attacks, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]