Latest update April 19th, 2024 12:59 AM
Oct 26, 2009 Dem Boys Seh, Features / Columnists, News
Something happen the other day when GPL raid South Ruimveldt. De newspapers report how de people get vex because de GPL people remove de illegal connection and how is de police who save dem.
If you see de photos. Dem had so much photo that dem boys was surprise that nobody ain’t write a letter protesting. Dem boys even expect Khurshid fuh protest just like how he protest when GPL ketch he people pun de Essequibo thiefing current.
In fact, dem boys want to know if GPL attach de penalty clause and fine he company six times de cost like wha dem does do to poor people. Dem ain’t even charge nobody.
That is why dem boys seh that poverty is a crime and some people does get better treatment when dem thief electricity than some other people.
Dem boys remember when GPL move against a big one who got a big place near to de Caricom Secretariat. This man was thiefing current. Dem boys seh that he build he place wid thiefing current. GPL ain’t charge he; dem ain’t disconnect he and dem surely ain’t fine he de big penalty that dem does fine poor people.
Well dem boys seh that dem gun thief current and if GPL charge dem, dem gun call name in court. Dem gun call Khurshid who wrang and strong and dem gun call de one who deh near Caricom.
Dem boys seh that dem going and mobilise all dem who get ketch in de raid last week. Dem going to de court to hear wha happen wid dem who get charge and dem gun deduct de penalty from whatever tax dem have to pay next year.
And then dem gun check fuh see how much current GWI does thief because dem claim to be de largest user of current in de country. Dem boys want to know how come dem using so much current and dem ain’t giving people water. Like dem selling current.
Talk half. Lef half.
Please share this to every Guyanese including your house cats.
Apr 19, 2024
SportsMax – West Indies Women’s captain Hayley Matthews delivered a stellar all-round performance to lead her team to a commanding 113-run victory over Pakistan Women in the first One Day...Kaieteur News – For years, the disciples of Bharrat Jagdeo have woven a narrative of economic success during his tenure... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]