Latest update April 23rd, 2024 12:59 AM
Apr 05, 2017 Dem Boys Seh, Features / Columnists, News
Dem got nuff way to rob people. Some does pick pun individual people and rob dem wid gun. Some does wait till people go to de bank and tek out dem money. Then dem does rob dem.
Politicians like Jagdeo, that scamp, does watch you full in you face and rob you blind. De inflated system wha he does use is de favourite way.
Dem boys know bout dem stelling wha he charge how much hundred million fuh build. Upon examination is used wood and old steel dem pick up from some garbage heap fuh mek dem stelling.
If you think dem boys lie go see it fuh youself. Dem deh fuh all eyes to see, even if you half blind.
Se other day dem boys hear bout a stelling wha build fuh $16 million. Fuh a moment, dem boys thought was a Brer Nancy story. Is when de reporter tell dem that is true and how de Waterfalls paper can send its own reporter that dem boys know was de truth.
Jagdeo woulda build that $16 million stelling fuh $616 million, de same way he renovate de one-flat NIS building pun de Corentyne and seh he spend $69 million.
Dem boys show de nation how a two-storey house bigger than de NIS building coulda build from scratch at that time fuh $6.9 million.
Dem boys remember de roof fuh de NIS building did cost $7 million and was Luncheon uncle build de roof. That was one of Luncheon kickback that mek him get so rich.
Putin is de richest man in de world, according to CNN. Dem seh ee worth hundreds of billions of dollars. He and Jagdeo became friends when dem use to go to de same school in Russia.
Both of dem graduate. Wha dem never announce is wha dem graduate in but dem boys suspect dem receive their degrees in thiefing. How else Putin could get so rich and of course, how Jagdeo can build like a mansion like wha he got, own property all over and still got billions tuck away.
SOCU done got dem eyes on him and all he kavakamites.
Talk half and give Soulja Bai thumbs up fuh that $16 million stelling.
LISTEN HOW JAGDEO WILL MAKE ALL GUYANESE RICH!!!
Apr 23, 2024
Kaieteur Sports – Over the weekend, the prestigious Lusignan Golf Club played host to the highly anticipated AMCHAM Golf Tournament, drawing golf enthusiasts and professionals alike from across...Kaieteur News – Just recently, the PPC determined that it does not have the authority to vitiate a contract which was... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]