Latest update April 19th, 2024 12:59 AM
Sep 14, 2016 Dem Boys Seh, Features / Columnists, News
When people plan long in advanced authorities does call it forward planning. When a man plan a crime well in advance dem does call it premeditation. GECOM always want quick election results but de country too big.
In Burnham days some people use to tek de results and fetch it by boat to some far area. By de time de boat meet de election results change.
Every election after Burnham Guyana witness something new. GECOM was always adding this and adding that. Last year dem add radio sets days before de elections. Dem seh de reason fuh these radios was to radio in or fax de results immediately to dem headquarters.
Dem boys hear de radio never fax in one result or was able to call in any figure. Dem never wuk because dem sit down in a fowl pen from since 2006 to de week before de last election.
In that same year, 2006, BaiShanLin start dem kakishness in Guyana. Dem get big, big duty free this and duty free that.
Dem boys hear and other people hear how some of dem get duty free women too. Dem use to live de life in Guyana Ask de boss man—Chu Bumbo.
Dem had a field day wid Guyana gold, timber and everything dem coulda bring in under de sun as duty free item. Now dem crying. Dem boys seh dem crying to see wha funeral dem gun get.
Dem padnas in crime lose de election and Soulja Bai clip dem balls plus dem wings and now dem crying like a baby.
Dem tell de Big Market paper how dem does give charity. Right away dem boys wonder wha dem mean when dem talk bout charity. Dem boys know dem grab up three-quarter of Guyana timber and mining land. Dem never expect dem to come pun de Essequibo Coast and tek over Charity.
Is when dem boys read down, dem realize that de company seh dem give out one and two handout and never call de media to tek out photo fuh put it in de public.
When dem boys read dat sentence dem had to laugh because if dem did use to call de media de whole country woulda see how paper bag full of US dollars buss down when rain fall while dem was going in Rob de Earth office, one midday.
Dem use to go steady to de Home Affairs Ministry wid paper bag too and never come out wid it. Dem boys want to know if that was Charity or Supenaam or something else.
Talk half and give Chu Bumbo some newspaper to wipe he eye.
Where is the BETTER MANAGEMENT/RENEGOTIATION OF THE OIL CONTRACTS you promised Jagdeo?
Apr 19, 2024
SportsMax – West Indies Women’s captain Hayley Matthews delivered a stellar all-round performance to lead her team to a commanding 113-run victory over Pakistan Women in the first One Day...Kaieteur News – For years, the disciples of Bharrat Jagdeo have woven a narrative of economic success during his tenure... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]