Latest update March 19th, 2024 12:59 AM
May 05, 2016 Dem Boys Seh, Features / Columnists, News
De opposition use to be in de government and now that dem out people still can’t forget wha dem use to do. Dem boys know that tiger never lose he stripe suh dem expect that all who been in de government still doing de things dem use to do.
A man park he car in Parika fuh travel to de Essequibo Coast. He go and do what he had to do and come back. This man park he car near de police station but de car disappear. He wonder if de car get foot and run away.
He report to de police and dem search. Dem know that de car didn’t go over de Harbour Bridge because it didn’t show up pun dem camera. In de end dem find de car in a back dam. De car was stripped.
Right away, he report to de Police that he believe Beri Beri involve. When de police ask he wha he mean? He tell dem dat only Beri Beri does want fuh slap and strip suh it must be he since he gat nuff free time now.
And while he blaming Beri Beri dem got a man who blaming everything and everybody fuh whatever happen to him. When he get ketch wid de wet money he tell de police how he was fishing and he feel a bite pun he hook. He think was fish. It turn out to be de money and now everybody tek up fishing. All of dem want to get rich.
but Dem boys seh nuff people gon tek up fishing as a livelihood or as a hobby because dem He friend was is de Casino Mastermind who get ketch wid tiefing money tell de police more stories Aesop Fables and Buroo Nancy.
When de police ask him wheh he get de money he tell dem that he father win two Daily Millions and give him one.
Dem boys remember that is de same way Irfaat did tell dem boys how he father give he money fuh build dem houses and swimming pool wha he gat. But, de man father is just a normal, regular chap.
And since everybody was mekking excuse dem boys hear a lady decide to play monkey see, monkey do. She end up getting charge fuh sending Facebook threats to SoulJa Bai, she seh she see De Chat-3 do de same ting wid the Water Falls paper people.
Talk half and wait fuh more excuses.
Listen to the man that is throwing Guyanese bright future away
Mar 19, 2024
Kaieteur Sports – The Dennis DeoRoop-trained horse, Stolen Money, dominated the field to claim victory in the feature event at the Kennard’s Memorial Turf Club, Bush Lot East Berbice on...Kaieteur News – The government has embarked on an ambitious infrastructure development spree. It has initiated major... more
By Sir Ronald Sanders Waterfalls Magazine – In 2024, a series of general elections in Latin American countries, including... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]