Latest update March 19th, 2024 12:59 AM
May 01, 2016 Dem Boys Seh, Features / Columnists, News
Fuh years Guyana depending pun foreign aid. Wha dem politicians never tell Guyanese de meaning of foreign aid. Dem boys seh dem read how foreign aid is transferring of money from poor people in rich countries to rich people in poor countries.
Guyana know good about that. How else Jagdeo coulda build that mansion he live in wid a $100 million chandelier inside. And everybody know de rest of de Pee Pee Pee boys and girls.
This new set wha gone in here testing de waters fuh build mansion just like that scamp Jagdeo. Dem boys want to believe that Joe ShanLin is one of dem. Is either Soulja Bai getting con or he know wha playing out.
That China visit still got more question than answer. Dem boys don’t believe Joe ShanLin been deh to collect any US$5 million GTT money. Dem boys hear through de grapevine that he been deh wid BK, BaiShan and others fuh tell de banks that Guyana intends to keep de same promise wha Jagdeo give dem.
Joe Shan been in person to shore up that promise.
Truth be told, Guyana need de foreign aid but not at all cost. A man might need money but nuff wouldn’t sell he wife, he daughter or he tail. And that is why dem boys watching dem politicians. Dem was de first set of people to rob de poor, de blind, de dumb and de deaf.
That trend trickle down in de society. Just Friday night a gunman go to a house that got three dumb brothers. He rob dem and shoot one.
When dem boys report de story, dem guh fuh put as de headline ‘Bandit shoot dumb man.’ De whole office laugh and seh you can’t do that, because de whole country gun think is Donald get shoot.
Then dem boys seh you got another set of bandits that mek de office staff laugh. Dem is de set wha been and rob de casino and one get ketch.
He tell de police that de security guard draw out a plan and tell dem when to attack. He tell de police he reckey (recce) de place earlier in de night but he didn’t know de backdoor was a tricky door.
Is when he run fuh go through de backdoor he realize de backdoor can only open from outside. He now lie down in a cell telling de police how he think he dumb like Donald.
Talk half and is not Donald Trump.
Listen to the man that is throwing Guyanese bright future away
Mar 19, 2024
Kaieteur Sports – The Dennis DeoRoop-trained horse, Stolen Money, dominated the field to claim victory in the feature event at the Kennard’s Memorial Turf Club, Bush Lot East Berbice on...Kaieteur News – The government has embarked on an ambitious infrastructure development spree. It has initiated major... more
By Sir Ronald Sanders Waterfalls Magazine – In 2024, a series of general elections in Latin American countries, including... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]