Latest update April 19th, 2024 12:59 AM
Dec 24, 2015 Dem Boys Seh, Features / Columnists, News
A lawyer see Clinty de Willie at de court. De man didn’t know wha he was doing there suh he ask him, “Wha going on jumbo?”
Clinty seh that he come here to shut dem boys mouth wid one lawsuit. He tun and tell de lawyer that eh feeling hurt. That is how de lawyer tun and tell him, “But is only de truth does hurt.”
He suck he teeth, tun ee back pun de lawyer and walk in de court. A marshal call dem boys two hours after de lawyer did call dem boys and could not stop laughing.
De marshal tell dem boys two things and he was uncontrollable wid he laughing.
Dem boys believe that de man hear some joke. Dem ask he fuh share and he laugh till he choke.
De first thing he tell dem boys was, “That man wha y’all seh like eat jumbo prawns and big basha seh that he gun mek al’you pay fuh all dem prawns and basha that y’all seh he eat.”
Right away dem boys get scared because dem don’t have that kind of money. Dem boys never buy so much sea food in de lifetime.
Dem boys done plan a defence. Dem buying a 60-foot trawler, one li’l more big than BaiShanLin barge. Dem also plan to buy de Ice House in Water Street to keep de seafood fresh and in a large quantity because if de quantity ain’t large Clinty gun get vex.
De crew will comprise Jagdeo, de captain; Ashni, de shaat scamp gun be de First Mate and Brassington gun be de bosun.
Dem gun name de trawler Li’l Willie and everything should alright after that.
De second thing he tell dem is that Clinty de Willie vex because dem boys talk bout some ass and how it tun up. Is then dem boys confirm that de marshal was digging kicks because dem boys does mek tantalise.
Talk half and wait till Brassington sue because dem boys talk bout he ass.
Please share this to every Guyanese including your house cats.
Apr 19, 2024
SportsMax – West Indies Women’s captain Hayley Matthews delivered a stellar all-round performance to lead her team to a commanding 113-run victory over Pakistan Women in the first One Day...Kaieteur News – For years, the disciples of Bharrat Jagdeo have woven a narrative of economic success during his tenure... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]