Latest update April 19th, 2024 12:59 AM
Dec 21, 2015 Dem Boys Seh, Features / Columnists, News
If a man go to de gate and he see a sign ‘Beware of de dog. It bites’; de man gun stand up at de gate and call or he gun pick up a stick to protect himself. Uncle Sam tell Soulja Bai people that Brassington going away fuh good, that he done buy de plane ticket.
Dem boys feel that Soulja Bai people would do like de man who read de dog sign and protect himself. De least dem coulda do was keep de man in de country till dem done investigate him. De people lef him to run way. And to mek matters worse, Uncle Sam tell Soulja Bai people that Brassington not coming back.
It could only mean that somebody protecting Brassington and dem boys got a suspicion. Some of dem even believe that de man tek nuff money. Soulja Bai meeting wid dem Tuesday and somebody should explain to him why dem behaving so.
All over de place people talking how dem waiting fuh see who gun get put before de court because that was de election promise and de people read but all de corruption.
Basil de Willie is a lawyer; Rum Jattan is a lawyer; Moses is a lawyer. Dem know crime when dem see it and dem know that people got to get prosecute.
But all of dem ain’t saying nutten. Li’l Joe believe that some of he mates collect money from some of dem who get investigate. That is why people seh that dem vote fuh a change and dem getting an exchange.
It can’t be that some of dem stupid. De auditors ask Brassington fuh information pun de Marriott, he give dem de records fuh Sun and Sand. When dem ask him fuh information pun NICIL he give dem information pun de Berbice Bridge.
De auditor get vex and dem tell he that he mekking dem a skull cap. Then he tell dem that dem must give him four more days.
Dem boys seh that de auditors know he stalling. But as dem seh, de devil got a friend. That is why Brassington singing ‘What a friend I have in Jordan.’
Talk half and don’t hold you breath fuh dem charges.
Please share this to every Guyanese including your house cats.
Apr 19, 2024
SportsMax – West Indies Women’s captain Hayley Matthews delivered a stellar all-round performance to lead her team to a commanding 113-run victory over Pakistan Women in the first One Day...Kaieteur News – For years, the disciples of Bharrat Jagdeo have woven a narrative of economic success during his tenure... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]