Latest update April 25th, 2024 12:59 AM
Jun 29, 2015 Dem Boys Seh, Features / Columnists, News
Politics does mek people show off dem stripe. Not that it is a bad thing. De other day, for example, Moses tour de Giftland OfficeMax complex and he go to de cinema. Dem didn’t have any movie but he sit down in de chair and he wife sit down near him. If you see de hug up.
Dem boys seh that de only person dem see do that when dem other people was in de government was Donald. Jagdeo couldn’t do that because he wasn’t too interested in a relationship wid a woman. Dem others was too busy drinking rum.
Some people declare that he got a human side and that he gun give Parvati a chance fuh cuss he again. Dem also believe that he gun give Kwame a job but not in de media because once anybody put Kwame near to a media house is trouble.
And while Moses doing these things dem got people who want to spoil he party. Dem talking bout de Accord wha he and Soulja Bai sign fuh form de coalition. Of course some things change but that didn’t happen just like that. Certain things wha dem agree on wasn’t possible. Same thing when Cheddi form de Civic. De next thing you know, de Civic people had to join de party but de same people who talking now wasn’t talking then.
And while dem talking, people acting quietly. Dem finding out that some people hide up money all over de place like when squirrel hiding nuts. Some of dem even forget wheh dem hide de money and now that dem boys finding it dem ain’t coming out to claim it.But wha dem boys want find is Irfaat. He disappear off de face of de map. Dem got some people looking fuh he too because dem claim how he tek dem money fuh give dem house lots and dem ain’t get no house lot and dem ain’t get back dem money.
But dem boys got some advice fuh he. Just like how people carry back dem car de other day, he must carry back de people money and only de police gun ask question. And he can try fuh join de coalition. Robert done bruck crew wid dem.
Talk half and watch how some of dem gun try fuh join de coalition.
Jagdeo giving Exxon 102 cent to collect 2 cent.
Apr 25, 2024
By Rawle Toney Kaieteur Sports – The French Diplomatic Office in Guyana, in collaboration with the Guyana Olympic Association and UNICEF, hosted an exhibition on Tuesday evening at the...Kaieteur News – Dr. Bharrat Jagdeo, the General Secretary of the People’s Progressive Party, persists in offering... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]