Latest update April 24th, 2024 12:59 AM
May 20, 2015 Dem Boys Seh, Features / Columnists, News
A man wid he ordinary Toyota Carina pass by de Waterfalls paper laughing. He mek a circle and he stop. When dem boys ask him why he suh happy he seh that he now love he li’l car.
When he go home in de night this car does park in he yard. But dem big boys who use to slant dem shoulder when dem driving dem Prada, Haada and Whoda, suddenly got to send dem cars back to de various Ministry and government institution.
Dem use to park dem same Prada, Haada and Whoda any way and anyhow. Dem never use to worry bout de vehicle suh dem use to park dem pun de road in front dem house. Now dem using dem private vehicle dem parking in de yard wheh a dawg can’t even bark at it.
Ashni and Ten Edghill use to bark pun de nation when dem open dem mouth. Dem use to talk to people anyhow and dem tell de nation anything when dem was sitting in de chair.
De table tun and dem ain’t got no more chair to sit in. De chair belong to de new man called Jordanite. Dem been kick dis same Jordanite after dem use him for several years to prepare de budget.
Dem boys hear that when he move in de chair Monday, he summon dem Ten Edghill and Ashni before him. De two of dem come wid dem two lang hand and stand up before de Jordanite.
Dem boys hear that de Jordanite tell dem after he question dem, “You-all come wid y-all two long hand. Get out and come back wid fact and figures to support wha you telling me.”
De staff see when de two of dem go in looking like two fowl cock and dem lef wid dem mouth open when dem see de two of dem come out looking like two wet Senseh hen.
Talk half and watch when dem going in back.
LISTEN HOW JAGDEO WILL MAKE ALL GUYANESE RICH!!!
Apr 24, 2024
Round 2 GFF Women’s League Division One Kaieteur Sports – The Guyana Police Force FC on Saturday last demolished Pakuri Jaguars FC with a 17 – 0 goal blitz at the Guyana Football...Kaieteur News – Just recently, the PPC determined that it does not have the authority to vitiate a contract which was... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]