Latest update April 19th, 2024 12:59 AM
Jan 25, 2015 Dem Boys Seh, Features / Columnists, News
If Donald didn’t call a date fuh elections and if he party didn’t want people to vote fuh it, and if dem Cabinet Ministers didn’t frighten that a change in government could mean jail, no price woulda ever go down. Gas get cheap again.
De price start fuh fall since last year but de government didn’t care. Donald was still sitting pretty and de Ministers coulda ignore de people when dem tun up fuh see dem. Well dem boys notice that is not only gas alone can get cheap.
People in Linden fight fuh cheap current and three of dem dead. Now Donald trying fuh give de whole country cheap electricity. Gas gone down by 30 per cent; Donald promising fuh drop electricity by 40 percent.
Is election time and de ads starting to come out. If you see how dem mekking Donald doing everything good. Even thing that Jagdeo do dem seh is Donald do it. Is that wha mek Ramjattan and Cathy Hughes cry. Dem want to advertise too but is now dem realize wha dem boys was protesting when Jagdeo give away dem radio licence.
Dem go to Hen See Hen fuh see if dem can go pun radio. De people tell dem that dem don’t have space. Dem go to Babbie radio and he tell dem it ain’t wukking, only when government people deh pun it. Hits and Bamsie seh that dem don’t get into opposition politics.
Is now dem understand what mean not to have access to media. But when dem boys was protesting de rest of dem sit down and seh how dem ain’t got business. Now dem ain’t got nutten just like how Jagdeo lef nuff li’l children wid nutten.
De man who go in QC and seh how he is a detective. Then he try fuh tek all dem children phone. When he get ketch he seh he is Jagdeo nephew and how he been to Jagdeo school fuh learn fuh swindle people especially children. De school was de Jagdeo School of Tekanomics. De man who seh that he is Jagdeo nephew dem in jail practicing tekanomics. He tekking. Just like how dem birds use to eat dem ants out of dem nest.
But de table does turn when de bird dead. Ants does eat dem. That is wha life is. All who think dem powerful today, remember de ants and de bird. Lady Karma is a bitch.
Talk half and keep you pickney out of de School of Tekanomics.
Please share this to every Guyanese including your house cats.
Apr 19, 2024
SportsMax – West Indies Women’s captain Hayley Matthews delivered a stellar all-round performance to lead her team to a commanding 113-run victory over Pakistan Women in the first One Day...Kaieteur News – For years, the disciples of Bharrat Jagdeo have woven a narrative of economic success during his tenure... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]