Latest update March 18th, 2024 12:59 AM
Oct 07, 2014 Dem Boys Seh, Features / Columnists, News
People don’t trust one another overnight. Is something that does develop and it got to start in people own home. De Muddah and Fadda does set example fuh dem children follow. Dem does tek that habit to de school and then to de wuk place.
Cee fuh Satar ain’t certain if anybody teach he bout trust suh he nah certain if he train he children bout trust. Dem boys come to this conclusion because dem hear that he tap he own phone in he house.
He get suspicious of everybody in Guyana including dem in he house. He want fuh know how dem boys know everything. Dem know that he jump up pun he bed, then run to de verandah then to de gate and cuss when de vendor late.
In he office he use to do similar things wha he does do home and dem boys hear suh he think is he own pickney does talk he name and use he phone. That’s why he put de phone pun trace.
Dem boys know wha happen de particular morning when he type all dem dutty things wha got he in trouble. Dem hear he get up in time fuh seh he 5:15 prayer. He even cut short de five minute prayer to four and a half minutes. He beg fuh forgiveness fuh what he was about to do, then he go and start he wickedness.
He pick up he phone and type all dem things wha he had in he mind, he heart and he soul. He nah hold back nutten. He let de Waterfalls boss man have it.
De whole country does call dem boys, now, and ask dem if is de same man who does pray so steady can have such a wicked, devious and vindictive mind.
One man seh that he think was only de Ratroop was like that. But then again dem don’t guh to church. Dem is two strange bedfellas.
De fat crook does go to church fuh fool people when in fact he does fool heself like how Cee fuh Satar does fool heself. Dem boys see him smiling like a donkey wha smell pee de other day and when dem ask he wha got he so happy, he seh that de spotlight is off me. Thank de Creatah.
Well dem boys want he fuh know that he ain’t escape.
Talk half and help de nation pray fuh these bastards.
Listen to the man that is throwing Guyanese bright future away
Mar 18, 2024
From GT to New Jersey… Kaieteur Sports – There have been many pugilists who have excelled in the fistic sport, retired, and subsequently successfully ventured into other meaningful...Kaieteur News – The government has embarked on an ambitious infrastructure development spree. It has initiated major... more
By Sir Ronald Sanders Waterfalls Magazine – In 2024, a series of general elections in Latin American countries, including... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]