Latest update April 19th, 2024 12:59 AM
Aug 09, 2014 Dem Boys Seh, Features / Columnists, News
There is a saying that seh show me yuh company and I will tell you who you are. Some people got company that does mek people raise dem eyebrow. This week dem boys start fuh look at Bai Shaan and wha dem finding lef dem wid dem mouth open.
Rob de Earth get Jamsie de Smiley fuh defend Bai Shaan. Dem talk how Bai Shaan only carry out container because dem boys expose de container pun de road. Dem didn’t expect that dem boys would show de next day how Bai Shaan shipping by boat. Now dem boys waiting fuh see if dem gun talk how is only a quarter boat dem does ship out like how dem seh that is only two container per day.
Dem got rules but dem rules is only fuh some people. Bai Shaan not among dem people. Dem got special rules fuh Bai Shaan. When dem boys talk de truth everybody running to de court fuh dem shut dem mouth.
De Hanna Rebel is de first man fuh jump and sue. But dem boys believe that wha get he vex and mek he sue was because dem talk how he always go home drunk and does wake up all hour in de night, open de wardrobe and pee pun he clothes.
That does happen when people use corrupt money to buy rum that does corrupt de brain and mek people tek wardrobe fuh de toilet. Dem don’t know de difference between toilet door and wardrobe door.
One man seh that de Hanna Rebel even open a fridge fuh pee inside and when de fridge light come on, he thought was day clean and de light was coming from his bathroom window.
De first time when he sue he tell people that he going fuh de shirt pun dem back. This time he tell he friends that he ain’t satisfy wid de shirt from dem boys back. He seh that he want dem pants, dem shirt, dem underwear plus dem willy.
Dem boys seh there is only one reason why he want dem pants, dem underwear and dem willy. He want to see wha dem boys got. Out of respect fuh people mek dem boys ain’t talking wha he really want dem things for but de Hanna Rebel must know that people know wha he up to.
He is a big defender of de government and de only one in de history of de country fuh use he office fuh pick pun people who talk that he pee in he wardrobe. He should pick pun Bai Shaan because dem got money that even de government don’t tek fuh taxes or VAT.
Talk half and let the Hanna Rebel know that de nation praying fuh dem boys.
Please share this to every Guyanese including your house cats.
Apr 19, 2024
SportsMax – West Indies Women’s captain Hayley Matthews delivered a stellar all-round performance to lead her team to a commanding 113-run victory over Pakistan Women in the first One Day...Kaieteur News – For years, the disciples of Bharrat Jagdeo have woven a narrative of economic success during his tenure... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]