Latest update March 29th, 2024 12:59 AM
Aug 07, 2014 Dem Boys Seh, Features / Columnists, News
Chinee come to Guyana and hear Guyanese saying “Hey bai, Shaan.” That is fuh people. Then when dem walk in de street dem hear people seh, “Hey bai Shaan, yuh buy-in?” That got to do wid money. That is how one Chinee get dem company—Bai Shaan in. That mean billions of Guyana wealth goin to buy Bai Shaan Lin.
Every week Guyana losing wealth by de billions. Bai Shaan Lin shipping out billions in expensive logs. De past two weeks alone dem ship out over 80 containers of de best wood Guyana got. And all this thing happening in secret. Dem loading de container in de bush and travelling in de night fuh reach town early morning so John Public can’t detect.
And somebody big collecting from Bai Shaan Lin and dem suspect Rob de Earth by name and nature know is who. Jagdeo promise dem Norway people that he gun protect de forest. Dem boys gun continue to show de nation that not one word Jagdeo spoke through he presidency was honest and sincere. He did want dem money and he mek big promise. Dem actually give he money fuh protecting de forest, that is why he don’t want people know that he got Chinee people cutting down de trees.
Dem boys hear through de grapevine in de container wha dem seh is hard wood is actually de best wha Guyana got. Dem boys seh that even in China dem don’t declare de right merchandise and de price.
Dem boys seh that if this thing continue like how it going, Guyana got fuh build back nuff roads. Dem taxpayers gun got to spend dem money fuh build back road from Kwakwani to Linden, Linden to Soesdyke and Soesdyke to Georgetown. No wonder de Highway bruck up suh bad that minibus and everybody complaining.
Jagdeo and Rob de Earth must tell de nation wha de nation getting out of this; don’t tell de nation wha dem getting.
Talk half and wait fuh de answer.
THIS IDIOT TELLING GUYANA WE HAVE NO SAY IN THE 50% PROFIT SHARING AGREEMENT WE HAVE WITH EXXON.
Mar 29, 2024
By Rawle Toney Kaieteur Sports – After a series of outstanding performances in 2023, Tianna Springer, dubbed the ‘wonder girl’, is eagerly gearing up to compete in this year’s...Kaieteur News – Good Friday in Guyana is not what it used to be. The day has lost much of its solemnity. The one day... more
By Sir Ronald Sanders Kaieteur News – In the face of escalating global environmental challenges, water scarcity and... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]