Latest update April 25th, 2024 12:59 AM
Apr 03, 2014 Dem Boys Seh, Features / Columnists, News
De budget got people talking and some of dem ducking fuh cover. De story bout how Bobby enjoying free money from de Ministry of Health come up in parliament. People talk how de Auditor General had to note that nuff time Bobby ain’t deliver drugs although he collect de money.
Well that is wha one Hem Pee talk about. De doctor who heading de Ministry answer de part bout de expire drugs. He seh that when people bring drugs to give to de hospital sometimes de drugs don’t have too long before dem expire.
But if people give all dem drugs then people got to use dem. De Ministry don’t have to buy but that is just wha does happen. De Ministry still buying de drugs because Bobby does tell dem up front that he not giving back any money.
De same Minister smart, though, He refuse to discuss de money that de government spending pun de drug purchase. He talk bout everything but he didn’t dare call Bobby name. And is things like that mek dem boys seh that Donald got to tek charge. He can’t sit down and hear Rohee talk how de budget is fuh de masses when he know that most of de money is fuh a few.
He is de leader of de party and he got to tighten up. Is tolerate that he tolerate people mek Jagdeo and he friends tek dem eyes and pass he. Jagdeo did plan fuh force he to resign and he, Jagdeo, woulda come in as de temporary president.
Of course dem boys seh that dem sending fuh Kamla because Donald ain’t showing strength and certainly no balloons. De Waterfalls paper gun pay Kamla and then it gun arrange a sale fuh Donald. If dem don’t get a sale dem gun tek whatever offer dem get.
Guyana need people wid balloons and if that too big dem would settle fuh people wid balls.
Talk half and help Donald cut off de drug money.
Jagdeo giving Exxon 102 cent to collect 2 cent.
Apr 25, 2024
By Rawle Toney Kaieteur Sports – The French Diplomatic Office in Guyana, in collaboration with the Guyana Olympic Association and UNICEF, hosted an exhibition on Tuesday evening at the...Kaieteur News – Dr. Bharrat Jagdeo, the General Secretary of the People’s Progressive Party, persists in offering... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]