Latest update March 19th, 2024 12:38 AM
Mar 03, 2014 Dem Boys Seh, Features / Columnists, News
When de Ezjet Bossman find out how much jail he getting, right away he change plea. He de plead not guilty to thieving dem poor old people money from de hospital, including Uncle Adam ex-wife who living in de States.
When he get ketch he though Uncle Sam might let he off with a slap on he wrist if he plead guilty. But when he hear how 20 years looming over he head, right away he decide fuh decide to change he plea again an say how he innocent.
He tell dem boys in de jail cell dat is Jagdeo set he up. But dem boys hear he de wondering how fuh tell de Judge dat is de President teach he fuh thief. Dem boys know is not Sonny alone Jagdeo teach fuh thief. Dem boys hear Uncle Sam done got de Pumkin Jumpsuit ready-made fuh de fat crook Brazzy and Jagdeo best friend Bobby. Dem done thief half of Guyana and got dem eyes on de next half. Dem boys hear dat de shaat crook say dem gat dem eyes pun a piece of America and dat is why de Feds dey hey.
Uncle Sam got de feds watching all of dem and de even watching Jagdeo when he go in de toilet with he belly wuk de other day. Bobby de watching he too. Dem Boys hear Bobby went crying by he bedside. Wha dem didn’t know is dat he de crying fuh de man crap out so he could really own everything by heself. Jagdeo de give he nuff nuff things and nuff nuff deals, but he aint really own none of dem and dem boys know dat.
Dem Boys read a statement yesterday from de PPP wha cuss up de opposition wha talk about Jagdeo belly wuk. In de same statement dem turn around and say how Corbin and Sheila Holder did do de same thing.
Wha dem boys wan fuh say, Sheila dead and Corbin park up. Dem de fly overseas with an air ambulance. Dem didn’t didn’t get belly wuk and tek a private luxury jet.
Talk half and wait fuh see wha gun happen to de Ezjet Bossman in Uncle Sam.
Listen to the man that is throwing Guyanese bright future away
Mar 19, 2024
– GYMMA president says logistics running nicely ahead of Saturday’s event Kaieteur Sports – The Guyana Telephone and Telegraph Company (GTT) threw their support behind...Kaieteur News – The government has embarked on an ambitious infrastructure development spree. It has initiated major... more
By Sir Ronald Sanders Waterfalls Magazine – In 2024, a series of general elections in Latin American countries, including... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]