Latest update April 19th, 2024 12:10 AM
Dec 29, 2013 Dem Boys Seh, Features / Columnists, News
Respect is something that you can’t demand and you can’t buy. You have to earn it. Nuff people try fuh buy respect from de Waterfalls boss man. Even Jagdeo try when he had he eye pun de third term.
De Waterfalls Boss man ignore him. Then de Waterfalls paper Eff down de third term. Dem boys find Jagdeo very rude and disrespectful when he try fuh get de third term. He get Kwame, de Bee Bee, plus Bee Kay and Bobby, two other Bees fuh put up sign.
De same thing wha dem throw in Freddie face is wha dem throw pun some of de posters calling fuh de third term.
Jagdeo was always disrespectful to de whole country. And when he get reject fuh de third term is then he really get more disrespectful. He go pun de campaign trail and he cuss. He cuss down like dem Bourda Market bad hooman.
He cuss de Americans, he cuss de Canadians, he cuss de Bajans and he keep de best cuss fuh de Waterfalls paper. All this dress down cussing happen when Donald was sitting at Freedom House and on de stage.
Donald follow he and cuss too. That is wheh Donald and dem kavakamites that he got as he Cabinet learn.
Donald call Moses who part de Demerara River a jackass; he call people terrorists, Donald even call heself a jackass. He was meeting wid some politicians and tell dem that “If I got to do certain things, then I got to be a jackass.” Dem boys admire him fuh being truthful.
That is wheh Irfaat tek he cue. He vex because Prakash learn from Donald and tell he fuh haul he a**.
Prak wrang because is a lot of a** fuh haul. He got to get a low bed and that is why he get vex.
De Waterfalls boss man tell he staff fuh haul dem a**. Imagine de Hard Times paper wha Jagdeo own does got de Boss man in colour almost daily. And de paper wha de Boss man own put Badam instruct de staff fuh put he in black and white.
De man tell Badam haul you a**. He waiting fuh de New Year fuh tell de rest of dem, including de Bees some very nice things. Enjoy de rest of de holidays till den.
Talk half and careful wid that word
JAGDEO ADDING MORE DANGER TO GUYANA AND THE REGION
Apr 18, 2024
SportsMax – West Indies captain Hayley Matthews has been named Wisden’s leading Twenty20 Cricketer for 2023, as she topped all and sundry, including her male counterparts. Alan Gardner looks...Kaieteur News – For years, the disciples of Bharrat Jagdeo have woven a narrative of economic success during his tenure... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]