Latest update April 19th, 2024 12:59 AM
Sep 08, 2013 Dem Boys Seh, Features / Columnists, News
Corruption got different form. De Waterfalls paper get ketch up in that. Some reporter use to wuk wid other media house and still stretch dem hand to de Waterfalls paper. De boss man use to pay dem fuh one, one story.
But that was in de old days. Dem was de days when dem reporters had permanent job wid other media houses and de Waterfalls paper was still a shaky ship. De boss man use to pay dem reporters up front fuh a story at de weekend.
That was considered an extra small piece in dem reporter pocket. This was upfront payment that he learn in China. He seh that is suh dem people in de east does operate. Dem does pay up front.
If you give dem a contract dem does pay de kickback way in advance before de contract sign. De kickback does reflect in de contract cost.
Wonder why dem fighting so much fuh de hydro seed? Plenty money done pay as kickback. Nuff done spend or invest and dem don’t mean to pay back.
Some of dem boys talk pun de road how de Chinee come wid spin kick and drop kick and side kick and front kick. De airport is a special kick because de US$20 million done gone and no grass ain’t even weed yet.
Dem ain’t even throw a wheel barrow sand anywhere near de contract site. And de sand deh just next door.
Dem boys seh that is suh de Rat and he followers deal wid contracts. Dem followers include Brazzy, Ash Knee, Irfaat etc. Of course dem boys can’t forget Rob Earth who mek dem reporter walk after he carry dem and lef dem in de backdam. All dem reporter did want to do was to see wha contract he seh he give out.
Bishop de Ten Edghill fall in because he give out contract in de east and he live in de west. De contractor tek he money and disappear. De man ain’t give none of dem a kick back and he disappear.
Talk half and jail these kavakamites dem.
Please share this to every Guyanese including your house cats.
Apr 19, 2024
SportsMax – West Indies Women’s captain Hayley Matthews delivered a stellar all-round performance to lead her team to a commanding 113-run victory over Pakistan Women in the first One Day...Kaieteur News – For years, the disciples of Bharrat Jagdeo have woven a narrative of economic success during his tenure... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]