Latest update March 29th, 2024 12:59 AM
May 20, 2013 Dem Boys Seh, Features / Columnists, News
De whole question of lie detector still deh pun people mind. People still want to know how de biggest crooks calling fuh de ordinary man tek de lie detector test and dem ain’t tekking it. Up to now, as Luncheon tell de reporters, is only one boss man agree fuh tek de test fuh show de staff that he clean. And dem boys hear how de CANU boss man did tek de test. He had to pass because he still deh pun de job.
De test involve some question – three set of question—that gun mek de people who conducting it be in a position to judge what is de truth when dem ask de real question. De problem does come when people ask personal question like if de people thief or if dem rape.
Dem boys seh that if dem got to ask some of dem big one in government if dem ever thief all of dem gun get ketch. But then again some of dem can lie. One man does lie without moving he mouth. Every week when he meet wid dem reporter he does lie but dem boys seh that dem can live wid he.
Is dem who does lie wid dem mouth, dem eye and even dem tail close that dem worry about. De lie detector might miss dem because dem lie suh much that dem can’t tell de truth even if dem want to. That is why dem boys want to prepare de questions. Of course, de answer must always be ‘yes’ and ‘no’.
Dem got to ask Jagdeo if he ever get money from Bobby Ramroop; dem got to ask Rob Earth if he ever apply fuh a radio licence; dem got to ask Bobby if he ever get free money from de government; dem got to ask Dr Leslie if he ever tek money that wasn’t he own and spend it; dem got to ask Donald if he happy wid how Jagdeo perform during de election campaign.
Of course dem can’t get knock off and no jail in Guyana can hold dem. But dem boys planning fuh see if some foreign country can help wid dem jail. Of course, that is why nuff of dem don’t travel overseas anymore.
Talk half and remember that do suh nah like suh.
THIS IDIOT TELLING GUYANA WE HAVE NO SAY IN THE 50% PROFIT SHARING AGREEMENT WE HAVE WITH EXXON.
Mar 29, 2024
By Rawle Toney Kaieteur Sports – After a series of outstanding performances in 2023, Tianna Springer, dubbed the ‘wonder girl’, is eagerly gearing up to compete in this year’s...Kaieteur News – Good Friday in Guyana is not what it used to be. The day has lost much of its solemnity. The one day... more
By Sir Ronald Sanders Kaieteur News – In the face of escalating global environmental challenges, water scarcity and... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]