Latest update April 25th, 2024 12:59 AM
Dec 29, 2012 Dem Boys Seh, Features / Columnists, News
Is one thing fuh thief, is another to dispose of what you thief. People does thief thing that full dem eye and after that dem don’t know what to do wid it. Years ago some men did rob de Guyana Rice Marketing Board and dem coulda only hide de money in an icebox.
Dem have some who thiefing right now and all dem can do is buy property. Some did start drinking and eating but dem can only eat so much and drink so much. Suh de next thing that dem start fuh do is buy up property.
Dem can’t even go on a vacation because dem have people outside waiting fuh put dem in pumpkin jumpsuit. But dem other friends should learn. De Bees know fuh thief and sit down pun wha dem thief toll de coast clear—that mean till all who know dead. It don’t mean that de Bees guh live forever.
Dem had some friends of de Bees who decide fuh thief all that gold. Dem couldn’t sell any because de whole world was looking fuh de gold. But dem didn’t know that suh dem mek contact and ship de gold by FedEx to a man.
De man tip off dem Americans who collect de gold and ship it back to Curacao. Dem boys want to know why dem didn’t ship it back to Guyana.
Dem boys seh that is greed mek all of dem get ketch. Dem got de gold and it blind dem eye. Dem couldn’t wait till it cool off—even if it tek five years. Like de people who done thief half of Guyana dem start fuh show dem wealth.
In Guyana people know all who was so poor that dem didn’t have a toothbrush. Now dem got house wid swimming pool and Mercedes and servants. Dem is de people who thief and couldn’t hide de money dem thief.
Talk half and wait till dem and all get ketch.
Jagdeo giving Exxon 102 cent to collect 2 cent.
Apr 25, 2024
By Rawle Toney Kaieteur Sports – The French Diplomatic Office in Guyana, in collaboration with the Guyana Olympic Association and UNICEF, hosted an exhibition on Tuesday evening at the...Kaieteur News – Dr. Bharrat Jagdeo, the General Secretary of the People’s Progressive Party, persists in offering... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]