Latest update April 24th, 2024 12:59 AM
Dec 09, 2012 Dem Boys Seh, Features / Columnists, News
Fuh a long time dem people in de Cabinet mamaguying de whole nation. Year guh, year come Rob Earth, when he was de rice and cane Minister, tell de nation how rain mek sugar production drop. He seh he spend money fuh drainage to avoid flood and dem still get flood because no drain ain’t dig.
Every day Hammy de Mare talk bout how de government not giving he money suh he got to pile up garbage all over de city. People fed up hearing that. He want de money same way like Rob Earth and all of dem others who mek Guyana become de most corrupt nation in this world.
Irfaat digging a $30 million hole fuh $200 million; and he selling house lot fuh more than it worth. Then he telling people how de extra money is fuh infrastructure. Dem boys seh that infrastructure mean money in de pocket.
And while all that happening everybody finding cocaine. Dem find cocaine in coconut milk, cocaine in straw, cocaine in wig, cocaine in fish and coke in poke. Is only lef fuh dem find cocaine in Kwame. Is de Rat mek all that happen.
In de New Year, dem boys mekking certain resolution. Dem boys gun expose de Rat every day in 2013 whether you like it or don’t. Dem ain’t mean fuh stop.
Dem boys plan fuh do everything fuh mek sure Brazzy and Barbie go to jail fuh all de wrong things, all de sick things, de dutty things dem do to de whole country.
And in de New Year dem boys plan fuh carry De Donald to an obeah man in Suriname fuh open all dem place wha close pun he. And dem boys don’t mean clothes wha you does wear. He need de obeah man.
Talk half and wait fuh de New Year.
LISTEN HOW JAGDEO WILL MAKE ALL GUYANESE RICH!!!
Apr 24, 2024
Round 2 GFF Women’s League Division One Kaieteur Sports – The Guyana Police Force FC on Saturday last demolished Pakuri Jaguars FC with a 17 – 0 goal blitz at the Guyana Football...Kaieteur News – Just recently, the PPC determined that it does not have the authority to vitiate a contract which was... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]