Latest update March 29th, 2024 12:59 AM
Nov 06, 2012 Dem Boys Seh, Features / Columnists, News
Dem boys hear Rotee seh dat he not ah visionary and that dem boys must be de visionary since dem know everything wha gon happen. Everything dem boys seh does come through.
Dem talk bout Fip and de money. Brazzy and all of dem who award de contract get vex till Fip flip de money. Dem boys talk bout the barbershop computer supplier. Again some government people get vex vex till the barbershop tun big shop.
De latest things dem boys talk about was Measlyjet. That mek all dem Bees mad. Dem boys know that mad Bees does protect de Queen B. If Sunny is de Queen Bee then he got a lot of Bees protecting he. He got Fat Bee, Fine Bee, Dacta Bee and all kinda bees. He even got Kwame who is a Bee Bee.
De Bees use de media from Hen See Hen to Hextyfive, from Veecity to Chronic-kill. Is who get hurt? Dem threaten fuh sue and a Dacta Bee actually sue.
Dem boys bin seh dat dem tek odda people money fuh mek de airline. Sunny seh he tek he personal money. Then dem boys hear how some old people hospital seh Sunny tek dem money fuh de airline.
Dem boys seh dem gon cancel 26 flights, dem vex bad bad. Den bradaaps, dem cancel flights aready. De CEO had to come home pun Delta de other day. De bees know that one day de bottom gun drop out and so one-or-two of dem want foh stay good with dem boys, so dem does talk and dem boys does hear.
Dats how dem boys know bout de hospital money and de Measlyjet; that is how dem boys know bout de cancellation of flight and the crumbling of many of de schemes – but wait! Dem boy now seh, dis is just de smoke.
Talk half and spray dem Bees.
THIS IDIOT TELLING GUYANA WE HAVE NO SAY IN THE 50% PROFIT SHARING AGREEMENT WE HAVE WITH EXXON.
Mar 29, 2024
By Rawle Toney Kaieteur Sports – After a series of outstanding performances in 2023, Tianna Springer, dubbed the ‘wonder girl’, is eagerly gearing up to compete in this year’s...Kaieteur News – Good Friday in Guyana is not what it used to be. The day has lost much of its solemnity. The one day... more
By Sir Ronald Sanders Kaieteur News – In the face of escalating global environmental challenges, water scarcity and... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]