Dem boys seh…Bee Kay want Walter Willie
Honest people got to be careful when dem talk. De sad thing is that once dem talk dem does get sue. All de Bees sue because dem honest people talk bout de corruption.
Bharrat Ramroop sue de Waterfalls paper; Babbie Jagdeo sue de paper; Bee Kay sue de paper too. Shaatie sue, Irfaat sue, Brian sue, and Boyah sue. Now Bee Kay want Walter Willie. He can’t get it normally suh he going to court to get it legally. He sue Walter.
Because de man talk de truth, Bee Kay decide to go after he. Bharrat Ramroop did get vex when de man talk to de Waterfalls paper. He did threaten to deal wid de man and Walter shut he mouth. But dem boys seh that he got hope. De Waterfalls paper will protect Walter Willie.
Some of de Bees got to sue because dem got belly and no Willie, like Brazzy. Ramotar in jeopardy too. And de Bees want dem boys own.
Dem boys notice that who ain’t sue does sue sue (su su). Only woman like fuh sue sue. That is how dem boys know that nuff of de Bees is not proppa man.
And de other day Robert tell Kak-kwani residents that he got dem back. He want buss dem back and put salt. People now praying fuh dem Kak-kwani residents.
People praying fuh Freddie too. A lot of people call to KN offering dem sympathy. Some seh that dem got Freddie in dem prayers. But prayers fuh wha? Fuh he get more cuff.
Some of de calls went to Sarah and she tell dem boys. Well dem boys nah want prayers like that fuh de Waterfalls boss man and Uncle Adam.
But talk fuh rain, and talk fuh sun, dem boys seh that de chase after Walter Willie is not only fuh silence de man. Is fuh help people like Kwame. Luncheon now defending Kwame. De government like to got dem BB round dem.
Corruption is like a disease. It eats away the foundation of people’s faith in Government. It undermines stability and security of nations. Keep yuh Willie wheh it belong.
Talk half and watch out fuh de Willie.