Kwame beg fuh go to jail
In life, dem boys know that there are many choices. You can choose to drink and drive den face de judge. You can choose to stay home and don’t wuk den beg people fuh a raise. You can choose to show the ex-President yuh middle finger and seh yuh did testing out de wind. You can even choose to use the Hard Times newspaper fuh wrap fish guts or bun marabunta nest.
Tek labba lip Kwame fuh instance. He had two choices. He tek he gun last year and decide to knack a man pun he head wid it. Then he cuss de man when he doing it. De man was putting up posters fuh de opposition.
Well he end up in front de Magistrate. He longtime back-up, De Rat, wasn’t around fuh save he.
De magistrate find he guilty fuh de knackin’ and de cussin’. It gun cost he $70,000 in fine. But he vex. He did want $70 million, so dat de alternative would got to wuk….four weeks in jail.
Dem boys hear Kwame start wink he eye fuh de Magistrate send he to jail. He wan see wha jail feel like. He know wha he gun get in jail, he ain’t gat to pay for it or beg. It free and plenty. He does gat to pay for dat outside… wid cellphone and odder things.
Dem boys at Ohh Pee would glad fuh dat… four weeks without Kwame pun dey back.
Uncle Donald lean back in he chair and smile. He remember wha Kwame use to do when he Uncle Donald wasn’t President. He proppa big up he self.
Dem boys remember too. And they smile. Dem remember how Kwame only last week cuss de bank people when they come fuh seize he car. De whole baby party brukkin’ up.
And talkin’ bout baby party, dem boys wan know wha dem bush truck man in de Stadium compound gun do when dem Jamzone man ready fuh keep dem party right deh. Dat gun be a hard choice fuh de truck man dem mek, cause it ain’t easy leffin’ yuh bedroom fuh people sport up inside.
Talk half and think hard but all yuh choices.