Dem boys seh…B is fuh Kwame and B is fuh de birds
Birds of a feather does flock together. Guyana got nuff birds. Dem got Jagdeo, Brazzy, Bobby, Irfaat. Rob Earth, Eddie and all dem Bees, including de blue sackies. Now dem have de Chinee birds.
When this Chinee man come and wave he hand, Jagdeo, Brazzy and Benn bend over and wave. That is how de scampish, cockish and rattish airport deal come into being.
All de rest of projects that dem same Chinee do in Guyana came to light same way. And that happen because Jagdeo never trust de Yankee people. He know that he couldn’t get kickback from dem. He woulda get kick into de pumpkin jumpsuit just like dem officials wid de Trinidad airport scandal.
If you don’t know, some senior government officials get jail in Miami fuh that new Trinidad airport. Was big kickback—millions of US dollars in kickback. That is wha dem get ketch wid.
Jagdeo and Brazzy and dem kavakamites learn ‘bout de kickback and jail in Trinidad and that is how dem end up up wid de Chinee. Dem boys seh that Chinee don’t only kickback. Dem does kick you in front, and de side too, and no jail.
Dem is de biggest scamps and liars that de world produce. Is dem who train we leaders fuh lie. Jagdeo lie suh much that he stop talk. He sign in secret and he gone and lef Brazzy fuh face de music.
When people watch Brazzy face dem not only see lie. Dem see nuff worries. He voice use to be thin. Now it thinner. And all because he continuing to lie and lie and lie. He seh he nah know Jonathan, Keith Evelyn, and Bobby and Gerry, but all of dem is one bunch of feather that does do a lot of things together, including B together. De B is fuh Kwame.
Talk half and flock together fuh B.