Dem boys seh…Para Batty gearing up fuh sadaaring
Same thing dem boys seh, once de Waterfalls paper highlight something de people does get vex and dem does threaten fuh sue. A man get vex because he was wukking at GuySuCo and he get knock off. De Waterfalls paper carry de story and de man decide fuh sue.
Another one commit fraud and get transfer from Berbice. When de Waterfalls paper write de story he sue. He hide from de court when de Waterfalls people tun up in court. Is only because of sympathy that de paper didn’t clean he pocket out.
Now another one threatening fuh sue because dem boys talk ‘bout all de funny things that happen. And was nuff funny thing happen. All de time dem boys trying to find out wha happen and nobody didn’t even tek dem serious. Now dem boys hear ‘bout who spend money to repair what, and who get wha and who pay wha.
Is alright, because dem boys can sue too. Some people who can’t read and write get a job at one of de few places that would employ anybody who suh dotish. Hen See Hen play a tape over and over but a dotish woman who like cry and complain, and she boss who love a freeness and can’t see anything in a bottle, mek up a story ‘bout apology.
Dem boys seh that an apology will come, but not from de source wheh Para Batty believe. A hearing aid wouldn’t even help she. Dem boys planning fuh send she to Malawi wheh men like treat men like women and do de same thing to stupid people. Dem boys does call it sadaaring.
Of course people does do anything fuh money. America send a message that it would allow people men fuh treat men like women and all of a sudden some country announce that dem gun do de same thing. When de government silent, people does do things fuh get de same treatment. Para Batty already got de name. Is only de treatment missing, fuh now. And she sure wouldn’t get an apology.
Talk half and watch out fuh de other half.