Dem boys seh…Marriott gun build out of gold
Belief kills and belief cures. That is a true to God saying. Dem boys believe that when Jagdeo tek office he was a decent and honest person. When he lef dem believe that he was de biggest crook de region see and would ever know.
Trinidad people did believe that Panday was a decent and honest man. Now jail facing he fuh hiding some of de money that he thief. Dem boys believe that de same thing that happen to Panday gun happen to Jagdeo. But dem boys believe that Jagdeo gun got to serve he time wid hard labour.
Brazzy ain’t deh far behind. Dem boys believe he is another thief. Nutten he seh can change dem boys mind. Talk fuh rain, talk fuh sun, dem boys believe that he is a thief, a liar and a scamp.
He gun be de biggest liar de country got in size, shape and words. He form a company name Atlantic. De whole country know who give him de name and wheh he get that name from. Dem boys like de word Atlantic. Jagdeo gone and live right near de Atlantic; Santa complex name Atlantic; and Brazzy building Marriott near de Atlantic. All of dem like water.
Atlantic got to mean something special to all of dem. Suh dem building de Marriott. Brazzy lie through all dem hole in he body. He tell de biggest lie through de biggest hole that he got.
He put de cost of de hotel he building at $60 million per room. De Hyatt in Trinidad, Embassy Suite in Miami, and Atlantis in Dubai are bigger and more posh hotels. They cost $15 million per room. How come Brazzy hotel costing so much—four times as much? All people got to find out wha dem boys saying is to Google.
Dem boys want to know if Jagdeo and Brazzy hotel gun have gold toilet, gold bidet, gold bed and diamond-tipped sink.
Dem want think de whole nation is a pack of fools. De Luncheon did de same thing to de nation when he did build de $10 million NIS building in Berbice fuh $69 million.
Talk half and pray fuh jail dem de other half.