Dem boys seh…Jagdeo gun commit suicide
There is a young saying, not a saying by Brian Yong, that it is better to keep yuh mouth shut and mek people wonder how stupid you are than fuh open yuh mouth and remove all doubt. That is Brazzy.
He nah only open he mouth he open he hand, he foot, in fact everything when he jumping from here to there and everywhere.
He use to walk in de Park a lot. He stop since de Rat gone. Now dem boys notice that he running. He running to all dem media house. He running to Channel 28 wha de Rat own, Channel 65, Hen See Hen and 69. He also running to dem newspaper—de Chronicle wha seh it got to reduce production and to de Hard Times paper that nobody does read.
He trying fuh wine heself out of a situation but that size wha he got somebody got to wine fuh he. He trying fuh paint a picture but is a picture wha nobody can’t see. Is a picture that ain’t got no colour.
Dem boys seh that if he want to paint a picture that he clean and that he and de Rat didn’t squander de billions he got to come and stand up at de Waterfalls paper and tell dem boys de truth. And not wha he think is de truth. Truth only got one side.
Dem boys gun give he de option. He can come fuss and try fuh protect ee Hin Tegrity. Dem boys know he can’t mek it alone suh he must bring de Rat who nevah had any Hin Tegrity whatsoever– and Shaatie.
Is de same Hin Tegrity wha Panday nah got and he facing jail. All because he nah declare de hidden funds wha he and he wife thief, according to de Trinidad police.
Dem boys hoping and praying that wha happen to Panday, happen to Shaatie and Brazzy. In de case of Panday, people coulda find he funds because he hide de money in wardrobe in a basement in London.
In de case of Shaatie and Brazzy de police got to hire one of dem partners in crime excavator fuh dig up dem backyard fuh find wha dem thief.
As fuh Jagdeo dem boys don’t want jail fuh he. He thief so much that excavator can’t wuk. Dem boys got to find dynamite fuh bring it up from under de Santa complex. And dem gun rejoice when dem hear he commit suicide.
Talk half and wait fuh de slow death