Dem boys seh…Bharrat James and Brian Jagdeo are friends
A good, decent and successful boss always leads by example. That is a true, true saying. Old people seh suh; not dem boys. Brazzy was a boss man, but he ain’t no way close to dem three words fuh describe a boss. Dem boys seh that he is de complete opposite. And he had to surely learn that from he bigger bosses, especially de Rat.
Imagine he writing letters to public companies ordering dem fuh their audited books. And he threaten dem. He even sue some of dem. Well dem boys seh that wha guh round does come round.
Parliament now telling Brazzy fuh bring he audited books. He sweating, he hiding and ducking. But wid he size he got, dem boys gun smoke he out from any hole fuh carry dem same books to de Parliament, whether dem wrang, right or indifferent.
Dem boys seh that this is de same man who seh that he nah got $50 billion in de NICIL account, despite half of Guyana sell out. If dem nah got $50 Billion in de account then dem boys on target wid wha dem seh in de paper on page 3 today. Dem seh that a group of people will own and control de bulk of Guyana.
It mean that he tek wha he want and give away de rest of Guyana fuh free to de bunch of dirty Bees, including de Rat. He sk… got to answer fuh that while he wearing de pumpkin jumpsuit.
And talking bout de Rat. He travelling to China steady and he always walking wid he interpreter who can’t talk none Chinee and he is a Chinee. Dem boys talking bout Bee James.
Bharrat James and Brian Jagdeo are buddy friends. Dem both share plenty things in common—dem share de initials Bee Jay and de rest y’aal done know.
Talk half and audit de other half.