Latest update March 29th, 2024 12:59 AM
Apr 21, 2012 Dem Boys Seh, Features / Columnists, News
Is confusion pun confusion. People changing figures like how some parents does change dem children diapers. Old people always seh that is better to tell de truth because it hard fuh remember a lie.
Now people want know if de people who set up de hydroclave did know de truth and know fuh tell de truth.
Dem boys decide to question de cost of de hydroclave wha dem build to destroy hospital waste. When dem commission de thing dem claim how dem spend $300 million. That figure look wrong suh dem boys get de quotation from de people who sell it. The real price was just more than half of wha dem hospital people tell dem reporters.
Michael de Con claim how he spend $60 million fuh build a shed. Dem boys know that de figure wrong but de Con insist that he know wha he talking bout. Uncle Donald does read and he see all this high price.
He get vex and he start fuh ask question. All of a sudden dem big figures start fuh get small. Keith de Burrower suddenly remember that he didn’t remember de exact figure and that he just give an estimate. He think that he did spend US$1 million which is wha de World Bank did give.
Michael de Con then remember that he spend some money too. He remember that de Burrower did give he $15 million. But he $60 million he couldn’t explain. He tek one week fuh come up wid an answer. He suddenly remember that he spend $21 million—not $60million. He claim that when he tell de reporter $60 million he had $16 million in he head.
Dem boys want know how a big man like that gun think $16 million and talk $60 million? By de time dem boys done ask question de hydroclave might cost one dollar because nobody ain’t want go to jail fuh de people money.
Now nuff people not sleeping when de night come. Dem wondering wha gun happen. Dem got to put back de people money and that is wha got nuff of dem thinking bout suicide. Is a time and a half.
Talk half and wait fuh de hollering in de next half.
THIS IDIOT TELLING GUYANA WE HAVE NO SAY IN THE 50% PROFIT SHARING AGREEMENT WE HAVE WITH EXXON.
Mar 29, 2024
By Rawle Toney Kaieteur Sports – After a series of outstanding performances in 2023, Tianna Springer, dubbed the ‘wonder girl’, is eagerly gearing up to compete in this year’s...Kaieteur News – Good Friday in Guyana is not what it used to be. The day has lost much of its solemnity. The one day... more
By Sir Ronald Sanders Kaieteur News – In the face of escalating global environmental challenges, water scarcity and... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]