Latest update March 28th, 2024 12:59 AM
Apr 04, 2012 Dem Boys Seh, Features / Columnists, News
Some things does surprise people. People got a birthday and dem does get a surprise. A man get jail and he does surprise because he don’t expect that.
Uncle Donald wake up de other day 10 o’clock in de morning and tell he staff fuh mek sure that dem government people give back de ads to de Big Market and de Waterfalls paper.
Uncle Donald decide that de Rat do an injustice. De Rat commit an immoral act. He tek way de ads from dem two paper thinking that he woulda shut dem mouth. He think he woulda put dem out of business and that he newspaper alone—de Hard Times paper wha nobody don’t read– woulda tek over de market. But little do he know that dem boys can still carry all de government ads free. That is de scampishness and greed in de man. He aim was fuh tek over de whole country and got everybody wukking under he.
Is de same bad mind and scampishness wha de Rat got mek de whole country suffering. He mek Antigua and all suffering. He and de Chinee give Guyana a truck up sugar factory because dem full dem pocket. Two years ah gone and de factory never wuk. Now Antigua got to go somewhere else fuh buy sugar. All dem years Guyana use to sell dem. Guyana and all might got to buy sugar, salt and pepper just now from de Santa Complex that de Rat own.
Dem boys decide to live without anything coming from or out de Santa complex that dem thief. Dem prefer go to dem grave, hungry. Dem got decency, honesty and pride.
Guyana got one Chinee man who born right here. He nah come from China. He nah got no scampishness in he. He got pride. But some people a cuss he. In fact, all dem race ah cuss he except dem Chinee wha come from China. At least he ain’t hear dem yet.
When he rule that it was illegal fuh de Yankees to extradite Barry Dataram, dem people cuss, including de Yankee boys. When he give bail fuh murder, Rohee, Henry de Yellow and plenty people cuss he. Now he rule in favour of de same Henry de Yellow who cuss he up and people ah cuss he more bad.
But one thing, all dem decision wha he get cuss for now tun de law in Guyana.
Talk half and think about de other half.
THIS IDIOT TELLING GUYANA WE HAVE NO SAY IN THE 50% PROFIT SHARING AGREEMENT WE HAVE WITH EXXON.
Mar 28, 2024
Minister Ramson challenge athletes to better last year’s performance By Rawle Toney Kaieteur Sports – Guyana’s 23-member contingent for the CARIFTA Games in Grenada is set to depart the...B.V. Police Station Kaieteur News – The Beterverwagting Police Station, East Coast Demerara (ECD) will be reconstructed... more
By Sir Ronald Sanders Kaieteur News – In the face of escalating global environmental challenges, water scarcity and... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]