Latest update April 19th, 2024 12:59 AM
Jan 26, 2012 Dem Boys Seh, Features / Columnists, News
People now understand de hydro project. Dem also find out that Fip mek Guyana got to spend more than US$100 million because he ain’t done de road. Every day de road tek fuh done is more money because prices going up.
Dem boys did warn de government bout Fip. But people smile because Fip coulda buy two beer and things. And besides wasn’t dem money. Now de Sithe Global people come and talk bout how de road keeping dem back and how de Chinese gun appreciate dem currency. That mean that de project gun get even more expensive.
Now how one man can cost a country suh much money and he can’t even find one-hundredth of that fuh even buy equipment?
Now de Works Ministry trying fuh done de road. But Fip was smart. He lef de part wid all dem mosquitoes because he tell dem boys that he ain’t able wid malaria. De Works Ministry got to try wid that. Right now dem don’t have Baygon in de shop and mosquito coil run out.
But when all is said and done Fip gun mek money. De Sithe Global people done decide fuh pay he US$12 million. He gun pay he taxes in de States and then he gun sit back and relax. Dem boys seh that he now gun get money like some of de people who in de government.
He can come home and build a mansion in Guyana. De exchange rate gun mek he look really rich and he can drive up to de hydro site anytime. Dem reporters who he didn’t carry when he had de road contract he can carry now.
Everybody want de road and de hydro. Some people did want it fuh free but dem Chinese seh that dem ain’t got nutten to give away. Dem invite dem boys to go by dem Chinese restaurant and see if Chinese does throw way anything. Not even de chicken guts.
That was de mistake Sithe Global mek when it think that it woulda get a cheap set up wid dem Chinese.
Talk half. Lef half.
Please share this to every Guyanese including your house cats.
Apr 19, 2024
SportsMax – West Indies Women’s captain Hayley Matthews delivered a stellar all-round performance to lead her team to a commanding 113-run victory over Pakistan Women in the first One Day...Kaieteur News – For years, the disciples of Bharrat Jagdeo have woven a narrative of economic success during his tenure... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]