Latest update April 25th, 2024 12:59 AM
Jan 19, 2012 Dem Boys Seh, Features / Columnists, News
When people thief dem does deh in handcuff. But Donald get handcuff and he ain’t commit no crime. Is not that dem carrying he to jail but he still got de handcuff. Is dem contract wha de Big Rat sign that tie Donald hand.
When people sign a contract wid a foreign government even if de government change whoever tek over got to honour de contract. Papa Cheddi been in de same bind wid de Barama contract and wid de Omai contract. De only thing is that when he investigate he find that dem contract was above board.
De Big Rat sign nuff contract before he lef office and all of dem sign wid dem Chinese. Dem sign a big contract fuh de Marriott. Donald know that this country ain’t want no hotel but de contract sign and that is not only one. People done plan fuh protest everyday till dem scrap de project.
De Big Rat also sign a contract wid dem Chinese fuh laptop, fuh de airport expansion fuh US$140 million; fuh de cable fuh US$40 million and fuh de hydro seed deal fuh US$835 million. And all of dem he sign secretly and he pocket half of de money and dem project ain’t start yet…dat is what de Waterfalls bossman seh.
Donald mek a big statement how he gun review dem contract. De Big Rat smile because he know that was only talks. He know that dem Chinese would tell Donald that if he try anything dem gun sue fuh de whole of Guyana.
Dem boys wondering wha gun happen if Guyana lose de case. Normally when people win a case dem does levy. It ain’t gun be nice fuh dem Chinese tek Guyana through de court. Dem already get more than half de country because of dem contract wha de Big Rat sign.
Tek de laptop. De Chinese mek money even before dem provide de laptop. Guyana decide fuh pay one price and de laptop cost half that price. De Chinese mek money and de people who sign de contract mek money. That is why de Waterfalls boss man seh that is a whole lot of thief been in Bar Rat government.
Donald want reduce de price fuh de hydro and de cost of de airport but he deh in handcuff. De deal done sign. And people seh how Bar Rat wasn’t smart.
Talk half. And wait fuh de rest.
Jagdeo giving Exxon 102 cent to collect 2 cent.
Apr 25, 2024
By Rawle Toney Kaieteur Sports – The French Diplomatic Office in Guyana, in collaboration with the Guyana Olympic Association and UNICEF, hosted an exhibition on Tuesday evening at the...Kaieteur News – Dr. Bharrat Jagdeo, the General Secretary of the People’s Progressive Party, persists in offering... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]