Latest update April 19th, 2024 12:59 AM
Jan 11, 2012 Dem Boys Seh, Features / Columnists, News
Is funny how de old people saying that when mouth open story does jump out does tun out to be true. Dem boys talk bout Irfaat and he house. Suddenly dem hear how he get money from he Mooma, he papa, he auntie and even from Haiti.
Is only then people does hear how much money does come from overseas and how dem money does come in barrel. But none of dem does tell de GRA people bout de money and de GRA people don’t ask. Dem don’t even check pun people when dem see some big house going up.
But dem boys glad that Irfaat got family who minding he, even if dem family live in de rubble in Haiti. Dem boys watch a man build three house because he family send money and when people meet dem same family dem does see dem hustling fuh mek a living.
Dem talk bout de airport expansion. Dem boys hear de figure and dem expect a great project. Dem know that dem contractor does do cock wuk. Dem does tek de money and short change de project. In de case of de airport dem woulda build de extension but as soon as de first plane land dem boys sure that de extension gun collapse.
That is because de people who plan de project gun thief most of de money. Like how de project is US$138 million is only US$8 million gun go toward de project. De rest going into people pocket.
And dem is de people who does get vex when poor people ask fuh more money. Dem is also de same people who mek law fuh tell people that dem can’t do more than one job.
But that is wha does cause protest. Dem mek a road in Lodge—Norton Street to be exact. De rain fall and de road bruck up. A man ride he bicycle and when he meet de hole a minibus kill he. De people protest.
Dem does talk bout project going to tender. De fire didn’t even out when dem tun up wid machinery to repair de road. De road repair. Now dem boys going to protest at de Magistrates’ court in de city because it look bad.
Talk half. Lef half.
Where is the BETTER MANAGEMENT/RENEGOTIATION OF THE OIL CONTRACTS you promised Jagdeo?
Apr 19, 2024
SportsMax – West Indies Women’s captain Hayley Matthews delivered a stellar all-round performance to lead her team to a commanding 113-run victory over Pakistan Women in the first One Day...Kaieteur News – For years, the disciples of Bharrat Jagdeo have woven a narrative of economic success during his tenure... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]