Latest update April 24th, 2024 12:59 AM
Nov 08, 2011 Dem Boys Seh, Features / Columnists, News
When people getting married de pastor does tell dem fuh repeat “till death do us part.” Well dem boys tell a pledge fuh stick behind de Bees till death separate dem. De thing that mek dem boys tek that decision was because of all de talking. In de election campaign de Bees got a song bout ‘Leh dem watch we.’
Dem boys gun watch dem wid two eyes. Dem gun sleep wid one eye open and even if that one eye shut down dem gun watch.
De thing is that dem must understand that Li’l Boy, marabunta, old woman and old car does follow you. De Waterfalls Boss Man and Uncle Adam in another category. Dem gun follow de Bees to the end of the earth and back.
Dem boys seh that one thing that dem gun do is mek sure that dem hunt down every cent that disappear from de treasury. Some of the de money deh all over de world in special accounts. When APNU and AFC promise to conduct an investigation, dem boys seh that dem feel good. Dem intend to help search fuh all that money.
Is a shame fuh tek things from poor people and dem boys intend to see that dem give back everything, every cent.
Dem boys use to remember when dem go and sport every time dem collect money from de people of this country. If was dem salary alone people woulda understand but while dem want poor people live pun dem salary dem who does earn a hundred times more ain’t satisfy wid dem own. That is greed.
De Donald sit down quiet and he listening. Dem boys hear he seh that he too gun mount an investigation and that he ain’t got friend when it come to thiefing.
Talk half. Lef half.
LISTEN HOW JAGDEO WILL MAKE ALL GUYANESE RICH!!!
Apr 24, 2024
Round 2 GFF Women’s League Division One Kaieteur Sports – The Guyana Police Force FC on Saturday last demolished Pakuri Jaguars FC with a 17 – 0 goal blitz at the Guyana Football...Kaieteur News – Just recently, the PPC determined that it does not have the authority to vitiate a contract which was... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]