Latest update April 23rd, 2024 12:59 AM
Aug 22, 2011 Dem Boys Seh, Features / Columnists, News
Everyday de people does hear bout how much money de country spending pun infrastructure. If is not road is school; if is not school is swimming pool; if is not swimming pool is drain and things like that.
De other day dem build a pound at Diamond. De contractor collect nuff million dollar fuh de wuk. One ordinary man seh that he would tek $15,000 fuh material and everything but dem didn’t give he de contract.
When dem was to open de pound was a big affair. Dem cut ribbon and dem had speech. Rohee claim how all dem donkey gun be provided for till dem owner come fuh collect dem. People clap. He seh that de pound is fuh cow and sheep too. He seh that sometimes de police might cook one, one sheep but that is to cover de cost of de pound. People clap.
Henry de Yellow get up and he seh that de pound gun demonstrate de caring nature of de police. E claim how de police gun move a lot of sh** every day and he tekking full responsibility fuh de collection. He seh that de sh** gun stop at he office. People clap.
Dem boys surprise when dem see Henry, Rohee and Bar-rat paying a surprise visit to de pound at Diamond. Dem was walking inside when de pound collapse. It kill two donkey and press de crap out of Rohee, Henry and Bar-rat missing. Dem boys seh that dem never believe that couple zinc sheet could squeeze suh much sh** out of two man. De most come from Henry.
Rohee had other problem too. A nail scrape he head and it bend. Dem boys seh that de people want Rohee stand de expense fuh damage to property. Rohee seh that he got to look fuh de contractor.
When de Waterfalls paper visit de scene fuh de photograph, Rohee and Henry was still under de pound. De cameraman get a shock and he holler, “Look Green sh**.” De police still scraping up. Dem boys seh that is a good thing de man was in hospital before because de situation would have been much worse, and Bar-rat still missing.
Talk half. Lef half.
LISTEN HOW JAGDEO WILL MAKE ALL GUYANESE RICH!!!
Apr 23, 2024
Kaieteur Sports – Over the weekend, the prestigious Lusignan Golf Club played host to the highly anticipated AMCHAM Golf Tournament, drawing golf enthusiasts and professionals alike from across...Kaieteur News – Just recently, the PPC determined that it does not have the authority to vitiate a contract which was... more
By Sir Ronald Sanders Waterfalls Magazine – On April 10, the Permanent Council of the Organization of American States... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]