Latest update March 28th, 2024 12:59 AM
Jun 21, 2011 Dem Boys Seh, Features / Columnists, News
Strange things does happen. Imagine this country bring in a man to advise dem how fuh deal wid crime and de very man tun a victim of crime.
De man deh pun de seawall because he got to exercise to keep down he blood pressure. Two men tackle he and shoot he. Dem boys seh that he give one positive advice. “Keep off de seawall and crime gun go down.”
Dem boys know that this thing is commonsense. Some people common but dem don’t have sense. Of course, some people want to know how sense can be common but then dem realize that dem have some ministers who common and who have sense. Dem is de ones wid commonsense. But dem have de others who common.
De common ones is de ones who does use sirens when dem going to buy Chinee food. Dem who got sense did not tun up fuh open de Saffon Street bridge wid ribbon cutting and de like.
Dem know that nobody woulda tek out dem picture, certainly not de people wukking at de Waterfalls paper. Some common ones woulda try a ting. Just like how de pastor try a thing wid a thiefing car.
He preaching to people how dem should not steal and he thief a whole car.
He learn plenty things after he get ketch. He learn bout de wages of sin; he learn that crime does not pay and he learn that when church collection missing he got to find he own money to post bail.
He now wondering if he gun get a chance to preach in jail to people who only got one thing in mind—mek some pastor tun woman in jail.
Talk half. Lef half.
THIS IDIOT TELLING GUYANA WE HAVE NO SAY IN THE 50% PROFIT SHARING AGREEMENT WE HAVE WITH EXXON.
Mar 28, 2024
Minister Ramson challenge athletes to better last year’s performance By Rawle Toney Kaieteur Sports – Guyana’s 23-member contingent for the CARIFTA Games in Grenada is set to depart the...B.V. Police Station Kaieteur News – The Beterverwagting Police Station, East Coast Demerara (ECD) will be reconstructed... more
By Sir Ronald Sanders Kaieteur News – In the face of escalating global environmental challenges, water scarcity and... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]