Latest update March 28th, 2024 12:59 AM
May 20, 2011 Dem Boys Seh, Features / Columnists, News
De world have people who believe anything. De Waterfalls Boss Man got a thing he does seh. “If you don’t stand up fuh something you gun fall fuh anything.”
A man preach how de world gun end tomorrow. Well people in Guyana ain’t listening to he because dem tekking life just how it come. Dem sporting as usual.
Dem boys did expect that Bharrat woulda call people and share out money suh that dem can enjoy dem last days. He try a thing wid dem sugar workers because he announce that he giving dem $300 million. However, he is not paying dem before tomorrow. He paying dem till in June.
It could be that he decide that de world gun end and if he hold back de payment then de world gun end and he ain’t got to pay no money. One of dem boys actually seh that is because he believe that de world gun end mek he ain’t travel yet.
Dem boys walk round and dem was expecting to see people drinking dem life away. Nutten of de sort ain’t happening. Another thing that does happen when people believe de world coming to an end is that church does full. All dem church empty.
And this thing happening pun a Saturday night. Dem boys decide that dem gun walk round and see wha all dem Ministers doing. Dem want see if some of dem gun tek out de money dem have. Some get dem money in strange ways. If de world gun really end dem would have to pray for a lot of forgiveness.
One thing is certain, Bharrat done pray fuh forgiveness. He hug up Trotty de other day pun a stage. But he do other wrang things. He tell lie pun Uncle Adam and he cuss Uncle Glenn.
But de same Uncle Glenn cheap. He didn’t even give he staff a bonus before de world end tomorrow.
Talk half. Lef half.
THIS IDIOT TELLING GUYANA WE HAVE NO SAY IN THE 50% PROFIT SHARING AGREEMENT WE HAVE WITH EXXON.
Mar 28, 2024
Minister Ramson challenge athletes to better last year’s performance By Rawle Toney Kaieteur Sports – Guyana’s 23-member contingent for the CARIFTA Games in Grenada is set to depart the...B.V. Police Station Kaieteur News – The Beterverwagting Police Station, East Coast Demerara (ECD) will be reconstructed... more
By Sir Ronald Sanders Kaieteur News – In the face of escalating global environmental challenges, water scarcity and... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]