Latest update March 28th, 2024 12:59 AM
Apr 21, 2011 Dem Boys Seh, Features / Columnists, News
People don’t hear till dem feel. When dem boys hear that Fip get de contract to build de Amaila Falls road dem try fuh warn de government that de man can’t build road, people cuss dem.
De government, especially Brassy claim how dem boys don’t give people a chance, that dem quick fuh criticise. Brassy claim how de man is an expert. Is now dem boys understand wha kind of expert he is.
He is an expert in how to get contract and don’t wuk. De man never build a road but he claim how he build road in Florida. Now de Lunch Man gun tell people how Fip way behind schedule and how he better sub contract de project.
When Willis visit de place he come out and he talk. Somebody tell he fuh shut he mouth.
De man who was heading Transport wasn’t suh lucky. He get send home because de Supenaam stelling collapse and he ain’t do nutten. De stelling crack and he hear but he didn’t check. Then de stelling break way again. He still didn’t go. He get send home.
Fip missing deadline after deadline but he still got de contract. And Brassy shutting he mouth.
Is de same shut mouth mek people cow getting thief and de Minister can’t talk. He create cow catcher and give dem big money.
De people catching de cow and selling dem instead of carrying dem to de pound. Dem boys believe that somebody big telling dem to seize de cow and set up beef because Easter coming and somebody got to sport.
Some of dem mouth full wid de thiefing beef right now and that is why dem can’t talk.
These days dem big boys got nuff money and dem got to sport. When dem sport dem got to get cutters and that is wheh de people cow come in. Is de law thiefing now. Dem boys seh that thiefing is now legal. Talk half. Lef half.
THIS IDIOT TELLING GUYANA WE HAVE NO SAY IN THE 50% PROFIT SHARING AGREEMENT WE HAVE WITH EXXON.
Mar 28, 2024
Minister Ramson challenge athletes to better last year’s performance By Rawle Toney Kaieteur Sports – Guyana’s 23-member contingent for the CARIFTA Games in Grenada is set to depart the...B.V. Police Station Kaieteur News – The Beterverwagting Police Station, East Coast Demerara (ECD) will be reconstructed... more
By Sir Ronald Sanders Kaieteur News – In the face of escalating global environmental challenges, water scarcity and... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]